Қазақстан бойынша алдағы 3 күнге арналған ауа райы болжамы

0
3

Қазгидромет Қазақстан бойынша 21-23 шілде аралығына арналған ауа райы болжамын жариялады, деп хабарлайды Baq.kz ақпарат агенттігі.

Фото: ашық дереккөзден

Сонымен, алдағы демалыс күндері Қазақстанның солтүстік-шығыс және шығыс облыстарына жоғарғы циклон жылжып, онымен бұл аймақтарда жексенбі және дүйсенбі күндері жаңбыр, кей жерде қатты, кей жерде бұршақ, күшті екпінді жел және температураның төмендеуі күтіледі.

Бұл циклонның әсері республиканың солтүстік, орталық, оңтүстік және оңтүстік-шығыс облыстарындағы ауа-райына да таралады. Мұнда кей жерде найзағай және бұршақпен өткінші жаңбыр, найзағай ойнағанда желдің шквалды күшею қарқыны 15…23 м/с дейін болжанады. Ауа температурасы сондай-ақ солтүстікте төмендейді және орталықта осы мезгіл үшін 2…3 градусқа әдеттегіден төмен болады.

Бұдан басқа, республиканың оңтүстік, оңтүстік-шығыс және батысында ыстықтың төмендеуі болжанады.

 

 

ОСТАВЬТЕ ОТВЕТ