27 маусым күніне арналған ауа райы болжамы

0
1

27 маусым күні Қазақстан аумағының басым бөлігінде циклон және онымен байланысты атмосфералық фронттардың ықпалымен жаңбыр, найзағай, бұршақ күтіледі. Кей жерлерде жаңбыр қатты жауады. Еліміздің батыс бөлігінде ғана сенбі жауын-шашынсыз өтеді. Жекелеген өңірлерде жел күшейіп, дауыл тұрады. Оңтүстікте — шаңды дауыл, солтүстікте түнде және таңертең тұман болжанады, деп хабарлайды ҚазАқпарат.

Фото: englishwithmom.ru

«Қазгидромет» РМК мәліметінше, Ақмола облысының түнде кей жерлерінде, күндіз басым бөлігінде жел 15-20 м/с күшейеді, екпіні 23-28 м/с артуы ықтимал. Сондай-ақ жекелеген аумақтарда бұршақ, тұман күтіледі. Солтүстік Қазақстан облысының кей жерлерінде желдің күші 23-28 м/с артады. Бұршақ жауып, дауыл тұруы ықтимал.

Шығыс Қазақстан облысының кей жерлерінде күндіз желдің жылдамдығы 23-28 м/с күшейеді. Сондай-ақ бұршақ, дауыл болжанады.

Павлодар, Қарағанды облыстарында желдің екпіні 23-28 м/с артып, бұршақ жаууы мүмкін, дауыл тұрады.

Қостанай облысының кей жерлерінде жел 15-20 м/с күшейеді, бұршақ жаууы ықтимал.

Жамбыл облысының кей жерлерінде 15-20 м/с соққан желдің күші таңертең және күндіз 23-28 м/с артады. Бұршақ, дауыл күтіледі.

Түркістан облысының кей жерлерінде желдің жылдамдығы 25 м/с күшейеді, дауыл күтіледі.

Қызылорда облысының басым бөлігінде 15-20 м/с жел тұрады, кей жерлерде екпіні 25 м/с күшейеді, шаңды дауыл тұрады.

Алматы облысында күндіз найзағай ойнап, жел 15-20 м/с күшейеді.

Батыс Қазақстан, Ақтөбе облыстарының кей жерлерінде жел 15-20 м/с күшейеді.

Түнде Атырау, Маңғыстау облыстарының кей жерлерінде жел 15-20 м/с артады.

Атырау, Қызылорда, Жамбыл облыстарында, Ақтөбе, Қарағанды, Түркістан, Алматы облыстарының басым бөлігінде, Батыс Қазақстан облысының оңтүстік-шығысында өте жоғары өрт қаупі сақталады.

 

ОСТАВЬТЕ ОТВЕТ