Алматының тартуы: Елбасы жетісулық жерлестерінің əн-биін тамашалады

0
6

Кеше Астанада елорданың 20 жылдығына орай өңірлердің тартуы ретінде ұсынылған бірнеше нысанның ашылу салтанаты өтті. Оған мемлекет басшысы Нұрсұлтан Назарбаевтың өзі қатысты деп хабарлайды NUR.KZ порталы.

Бұрынғы «Арай», қазіргі Жетісу саябағының ашылу салтанатына келген мемлекет басшысы алдымен демалыс орнын аралап, кейін Алматы облысының өнерпаздары ұйымдастырған концертке қатысты.

«Астананыңмен үшін алар орны ерекше. Елорданы Астанаға көшіреміз дегенде, бəрі жел, маса деп қарсы болған еді. Қазір масаларды көріп тұрсыздар ма?», — деп əзілдеді президент.

Сонымен бірге, ол 20 жылдың ішінде Астананың ауыз толтырып айтатын бас қалаға айналғанын атап өтті.

«20 жылдың ішінде осындай қала салған əлемде ешқандай да ел жоқ. Бүгін міне ұлттық домбыра күніне орай əрі Алматы облысының Астананың 20 жылдығына тартуы ретінде осындай тамаша саябақ ашылуда. Қазір Астанамызды барша қазақстандықтар ұнатады əрі оған барынша көмек беруге тырысады», — деді Нұрсұлтан Назарбаев.

Айта кетерлігі, аталмыш нысан Алматы облысының Астана күніне арналған тартуы болып отыр. Бұрынғы «Арай» саябағына қайта жөндеу жəне көріктендіру жұмысын жасаған олар саябақ атауын өзгертуді де жөн санапты. Енді сол жағалаудағы белгілі саябаққа — Jetisy деген ат берілді.

Аумағы 14,9 гектарды құраған саябақта бес негізгі аймақ бар. Олардың арасында балалалардың ойын алаңы, тамақтану орны, тіпті тегін Wifi ағашына дейін орнатылған.

Сондай-ақ, саябақта Алматы облысының басты символдары саналатын — алма, Тамғалы там қабырғасы, «Шарын каньоны» қабырғасы да бар.

Еске сала кетейік, бүгін елімізде ұлттық домбыра күні алғаш аталып өтіп отыр. Осыған орай елбасы Нұрсұлтан Назарбаев Астанада 2000 күйшінің күйін тыңдап, өңірлердің елордаға тарту ретінде ұсынылған нысандарының ашылу салтанатына қатысты.

ОСТАВЬТЕ ОТВЕТ