Атырау қаласына жаңа әкім тағайындалды

0
4

Бүгін Атырау облысының әкімі Нұрлан Ноғаев қалалық мәслихат депутаттарына Атырау қаласының жаңа әкімінің кандидатурасын ұсынды. Басқа қызметке ауысқан Серік Шапкеновтың орнына Әлимұхаммед Құттымұратұлы келді, деп хабарлайды ҚазАқпарат.

Фото: ҚазАқпарат

Аймақ басшысы айтқандай, Әлимұхаммед Құттымұратұлының көп жылғы еңбек өтілі бар, әртүрлі салаларда басшылық лауазымдар атқарды. Кандидатурасы ҚР Президенті Әкімшілігімен келісілген.

Депутаттар жаңа әкімнің кандидатурасын бірауыздан қолдады.

Қала активінің жиынында аймақ басшысы Серік Шапкеновке атқарған еңбегі үшін алғыс айтып,  шаһардың жаңа басшысына нақты тапсырмалар жүктеді.

Әлимұхаммед Кұттымұратұлының экономика, құқықтану мамандықтары бойынша екі жоғары білімі бар.

Ресей Федерациясы Президенті жанындағы Ресей халық шаруашылығы және мемлекеттік қызмет академиясының MPA (Master of Public Administration) бағдарламасының магистранты.

Мемлекеттік қызмет пен жеке секторда үлкен тәжірибесі бар.

Еңбек жолын коммерциялық құрылымдарда бастаған. 2008 — 2012 жылдары жергілікті атқарушы органдар жүйесінде әртүрлі қызметтер атқарды. 2012- 2016 жылдары Орал қаласы әкімінің орынбасары, Атырау облысы әкімі аппаратының жетекшісі, Атырау облыстық табиғи ресурстар және табиғат пайдалануды реттеу басқармасының басшысы болды. Сондай-ақ, 2016 жылдың мамырында Махамбет ауданының әкімі болып тағайындалды.  2017 жылдың тамыз айынан бүгінге дейін Атырау облысы Жылыой ауданының әкімі қызметін атқарды.

ОСТАВЬТЕ ОТВЕТ