Баланы мектепке орналастыру үшін тұрақты тіркеу керек пе

0
8

Баланы мектепке орналастыру үшін тұрғылықты мекен-жайы бойынша тұрақты тіркеу керек пе? Бұл сұраққа ҚР Үкіметінің баспасөз орталығында ҚР Білім және ғылым вице-министрі Асхат Аймағамбетов жауап берді, деп хабарлайды ҚазАқпарат.

Көрнекі фото: Arnapress.kz

«Баланы мектепке қабылдау туралы айтарым — бұл жерде тек заңға сүйене отырып шешім қабылдау керек. Бізде Білім туралы заң, Үкіметтің 128-қаулысы бойынша «баланы қабылдаудың типтік қағидаттары» бар. Міне, осы типтік ережелерде ата-аналардың сіз айтқан құжатты (тұрақты тіркеу анытамасы — авт) өткізуі тиіс екені туралы жазылмаған. Тұрақты тіркеу демек, талап етілмейді. Сондықтан, біз Астанада мұндай талаптардың дұрыс емес екенін айттық. Балалар мен ата-аналар өз талап-тілегі бойынша кез келген білім беру ұйымына бере алады. Екіншіден, Астанада мектептерде орын тапшылығы мәселесі бар екенін білесіздер. Сондықтан, осы мәселені есепке алу керек», — деді Асхат Аймағамбетов.

Айта кетерлігі, бұдан бұрын Үкімет отырысында баяндама жасаған Білім және ғылым министрі Ерлан Сағадиев мемлекеттік мектептердің барлығында 280 мың мұғалім барын атап өткен еді.

«Қажеттілік — бес мың. Педагог мамандығы бойынша дайындалған кадрлар жеткілікті. Қалған аз уақыттың ішінде мектептер мен білім бөлімдері бос орындарға мұғалімдерді қабылдауы керек», — дейді Ерлан Сағадиев.

 

 

ОСТАВЬТЕ ОТВЕТ