«Барыс» өз айдынында «Адмиралды» тізе бүктірді

0
3

«Барыс» биылғы жылдың өз айдынындағы соңғы кездесуінде Владивостоктың «Адмирал» командасын қабылдап, жеңіске жетті, деп хабарлайды ҚазАқпарат.

Фото: Sputnik Казахстан

і Астаналықтар ҚХЛ-дың Шығыс конференциясында бесінші орында келе жатса, «Адмирал» көш соңында қалған клуб еді. Соған қарамастан, елордалықтарға жеңіс оңайлықпен келген жоқ.

4-минутта сан басымдылығын пайдаланған Роман Старченко Андре Петерссон мен Даррен Дицтің көмегімен есеп ашты. 9-минутта Дастин Бойд (пас берген Кертис Волк пен Мэттью Фрэттин) дәл осындай мүмкіндікті мүлт жіберген жоқ. Алайда содан кейін қонақтардан Егор Яковлев, Денис Вихарев, Карел Кубат мергендік танытып, «Адмиралды» алға шығарды. Бұдан кейін «Барыстың» бас бапкері Андрей Скабелканың қақпашы Доминик Граховинаның орнына Хенрик Карлссонды шығаруына тура келді. Абырой болғанда, Андре Петерссон Патрис Кормье мен Виктор Сведбергтің жәрдемімен таразы басын теңестіре алды. Екінші кезеңде есеп өзгерген жоқ. Үшінші, шешуші кезеңде М.Фрэттин Даррен Диц пен Алексей Маклюковтың пасынан кейін жеңіс голын соқты. Осылайша «Барыс» 4:3 есебімен қарсыласын тізе бүктіріп, 56 ұпаймен Шығыс конференциясында бұрынғысынша бесінші орында келеді.

А.Скабелканың шәкірттері алдағы кездесулерін 28 желтоқсанда Челябі қаласында «Трактормен», 30-ында Омбыда «Авангардпен» өткізеді. Бұл екеуі де осал қарсылас емес. Қазір «Трактор»39 ұпаймен Шығыс конференциясында сегізінші сатыда тұр.

Олар плей-офф кезеңіне шығуға мүмкіндік беретін үздік сегіздікке ілігу үшін барын салатыны анық. Ал «Авангард» — көш басына таласып жүрген команданың бірі.

 

ОСТАВЬТЕ ОТВЕТ